الستر

وشه كان أصفر زي الليمونة في إيه يا فارس؟ مالك بتجعّر كدة ليه في نص السرايا؟
فارس مقالوش كلمة تانية هجم عليه ببوكس في وشه وقعه الأرض ونزل فوقيه ضرب بكل قوته ضرب كان فيه غل السنين ووجع حور وندمه هو الشخصي. بتبيع عرضك يا واطي؟ بتسلط كلاب ينهشوا في بنت عمك عشان السرايا؟
منصور وهو تحت إيد فارس وبينهج دم كانت هتاخد نصيبي.. الجد كان هيكتب لها نص الأملاك عشان يعوضها عن يتمها.. كان لازم تتكسر عشان تطلع من الحسبة!
فارس مسكه من رقبته ورفعه لفوق أقسم بالله العظيم لولا إن جدي حي كنت دفنتك حي في أرضنا يا كلب. بس أنا مش هوسخ إيدي بدمك القانون اللي هيجيب حق حور منك ومن اللي سلطتهم.
في اللحظة دي نزلت حور وهي ساندة على يونس الصغير وقفت قدام منصور اللي كان مرمي في الأرض زي الجثة. فارس بصلها وهو لسه ماسك خناق منصور لكن حور شاورت له يسيبه.
حور بصت لمنصور بكسرة وقالت له بصوت واطي بس هز المكان أنا كنت فاكراك أخويا.. كنت لما بخاف من الدنيا بجري أستخبى فيك. أنت مكسرتنيش أنا يا منصور أنت كسرت شرفك أنت ورميت اسم عيلتك في الوحل. الفلوس اللي كنت عايزها أنا متنازلة عنها كلها ليك.. بس بشرط واحد.
فارس استغرب وبصلها شرط إيه يا حور؟ ده لازم يتعفن في السجن!
حور كملت بجمود الشرط إنك تطلع من البلد دي متورنيش وشك تاني أبداً. الأرض والفلوس اللي كنت هتقتلني عشانهم بقوا معاك بس هتعيش بيهم وأنت عارف إنك خاين وعارك ملوش غطا.
فارس صرخ فيها لا يا حور! ده لازم يتحاسب!
حور بصت ل فارس بعيون مليانة دموع وعتاب واللي يحاسبك أنت مين يا فارس؟ اللي ضربتني وشكيت فيا وأهنتني في يوم فرحي مين هيحاسبك؟
فارس سكت ونزل إيده من على منصور وهو حاسس إنه هو كمان متهم قدامها.
مرت الأيام ومنصور اتسلم للشرطة لأن جده رفض يسيبه يهرب واكتشفوا إنه فعلاً هو اللي دبر الحادثة كلها. السرايا بقت هادية بس الهدوء
ده كان بيخنق فارس.
في ليلة فارس خبط على باب أوضة حور دخل لقاها بتلم لبسها ولبس يونس في شنط.
بتعملي إيه يا حور؟ فارس سأل بصوت مخنوق.
حور ردت وهي مدياله ضهرها ال 6 شهور خلصوا يا فارس.. النهاردة الميعاد اللي أنت حددته من أول يوم. أنا وخدة يونس وماشية.
فارس جري عليها ومسك إيدها أنا كنت غبي! كنت حمار ومشوفتش الحقيقة! أنا بحبك يا حور.. والله العظيم اكتشفت إني مكنتش زعلان عشان الفضيحة أنا كنت غيرة عليكي بتموتني. أرجوكي ابدأي معايا من جديد.
حور لفت وبصت له وابتسمت بوجع عشان تبدأ معايا يا فارس لازم تقتل سيد المهندسين اللي جواك اللي بيحكم على الناس بظنه. أنا مش هقدر أنسى ضربك ليا ولا شكك.. بس عشان يونس وعشان جدي هيديك فرصة واحدة.
فارس عينيه لمعت بفرحة فرصة واحدة وأنا هثبتلك فيها إني هبقى ضلك وسندك.
حور كملت بشموخ بس بشرط.. الفرح اللي محصلش يتعمل دلوقت. البلد كلها لازم تعرف إن فارس الهواري متجوز ست البنات وإن رأسها مرفوعة بالسما واللي يلمس طرفها يلمس رقبتك أنت الأول.
فارس ضحك من قلبه لأول مرة وشال يونس على كتفه ده أنا هعملك فرح الصعيد كله يحكي عنه لسنوات.. وأي حد هينطق اسمك هقطعلوا لسانه.
وتوته توته بدأت قصة حب حقيقية من وسط الوجع وفهم فارس إن الستر مش بس جواز الستر هو إنك تكون أمان للي معاك.