شيطان في ثوب ضحية

كنت بشتغل شيفتين تمريض عشان أقدر أوفر تمن حقن الأعصاب الغالية وجلسات العلاج الطبيعي لجوزي طارق، اللي حصله شلل نصفي بعد حادثة عربية من تلات سنين.
النهاردة، رئيسة الممرضات طلبت مني أطلع جناح ال VIP أودي أدوية لحالة خاصة. مكانش ليا في الأجنحة الفخمة دي، بس طلعت.
وقفت قدام باب الجناح، الباب كان موارب، وصوت ضحك عالي طالع من جوه.
صوت رجولي ناعم أنا حافظاه أكتر من دقات قلبي.
زقيت الباب بالراحة، والصينية اللي في إيدي وقعت على الأرض بكل اللي عليها.
صوت الإزاز وهو بيتكسر قطع الضحك.
اللي كان واقف قدامي مش مريض.
اللي كان واقف قدامي، بكامل صحته، لابس بدلة سهرة شيك جداً، وبيرقص مع واحدة كأنهم في شهر العسل هو طارق.
جوزي المشلول.
طارق لف وشه، وأول ما عينه جت في عيني، الدم هرب من وشه تماماً.
طارق بصدمة وتلعثم س.. سلمى؟! إنتي بتعملي إيه هنا؟
سلمى بصوت بيترعش، مش قادرة تاخد نفسها طارق؟ إنت واق.. واقف على رجلك؟ الكرسي المتحرك جلسات العلاج الطبيعي عجزك اللي

بقالي ٣ سنين ببيع عمري وبسف التراب عشان أعالجه؟
الست اللي معاه، اللي عرفت فوراً إنها شيرين بنت صاحب المستشفى، بصتلي بقرف من فوق لتحت.
شيرين بتعالي إنتي مين يا بتاعة إنتي؟ وإزاي تدخلي الجناح هنا من غير استئذان؟ طارق، مين الممرضة دي؟
طارق بلع ريقه، ورجع خطوة لورا وهو بيبصلي برعب وبيقول لشيرين دي.. دي مجرد ممرضة كانت بتتابع حالتي زمان يا روحي.. مريضة نفسياً وبتتخيل حاجات ومهووسة بيا.
ضحكت. ضحكة وجع، ضحكة كلها قهرة خلت الجدران تترج.
سلمى بدموع بتلمع في عينيها بس صوتها ثابت مريضة نفسياً؟ وممرضة مهووسة بيك؟ أنا مراتك يا طارق! مراتك اللي باعت دهبها وورث أبوها عشان تسدد ديونك وتدفعلك حق العلاج الوهمي!
شيرين بصت لطارق بذهول مراتك؟ إنت مش قلت إنك أرمل ومراتك ماتت في نفس الحادثة اللي عملتلك العجز المؤقت؟
طارق بعصبية حاول يقرب ويمسك دراعي اطلعي بره يا مجنونة! يا أمن! يا أمن المستشفى!
نفضت إيده بقوة لدرجة إنه اختل توازنه ورجع لورا إياك تلمسني! إنت إيه؟ شيطان؟ ٣ سنين بتمثل العجز عشان تبتزني وتعيش على قفايا، وفي نفس الوقت راسم دور الضحية الأرمل على بنت صاحب المستشفى عشان تورثها وتعيش في العز ده؟
طارق عينيه طقت شرارة، وقرب مني بصوت واطي فحيح مسمعش غيري اسمعي يا سلمى، لمي الدور واطلعي بره بهدوء، وحياتك عندي لأعوضك عن كل قرش دفعتيه، بس بلاش تفضحينا هنا، هدمّر حياتي وحياتك!
بصتله بثبات غريب، الدموع وقفت في عيني وتحولت لنظرة رعب ليه.
سلمى بابتسامة باردة تعوضني؟ إنت فاكر إن عمري اللي ضاع وشقايا بيتعوض بفلوسك الحرام؟ الجميل بقى في الموضوع يا طارق، إنك نسيت حاجة مهمة أوي في ورق المستشفى اللي زوّرته
طارق برعب ورق إيه؟ إنتي بتقولي إيه؟
قربت منه، ورميت في وشه ملف صغير كان في جيب البالطو بتاعي افتح ده وشوف بنفسك إنت مضيت على إيه من ورايا، واللي هيوديك في داهية إنت واللي ساعدك
شيرين وطت بسرعة أخدت الملف من على الأرض، وأول ما فتحته عينيها وسعت من الصدمة وبصت لطارق بذهول وصراخ إنت عملت الكارثة دي إمتى؟ !!
طارق بص في الورقة ووشه جاب ألوان، ووقع على ركبه وهو بيمسك راسه كأن حد ضربه بمطرقة
الكاتبة_نور_محمد
الجزء التاني من القصة،
شيرين عينيها جحظت وهي ماسكة الورق، وإيديها بتترعش لدرجة إن الورق كان هيقع منها. بصت لطارق بصدمة، وصرخت صرخة هزت الجناح
خمسة مليون جنيه؟! إنت سحبت خمسة مليون جنيه من حساب تبرعات المستشفى بتوقيعي أنا؟ ومزور شهادة وفاة مراتك عشان تقبض بوليصة التأمين؟ إنت إيه.. شيطان؟!
طارق وشه جاب ألوان، قام من على الأرض بسرعة كأنه مقروص، وحاول يشد الورق منها بهمجية
يا شيرين اسمعيني! ده فخ.. الممرضة دي كدابة ومأجورة! أنا مستحيل أعمل كدا فيكي، دي تلاقيها مزورة الورق ده عشان تبتزنا!
سلمى ببرود وثبات، ربعت إيديها وبصتله باحتقار كأنه حشرة
كدابة؟ الورق اللي في إيدها ده صور طبق الأصل من تحقيقات النيابة العامة يا طارق. أنا بقالي شهرين شاكة في مصاريف علاجك الوهمية، راقبتك، وعرفت إنك بتيجي الجناح ده تمشي على رجلك وتعيش دور العريس، في الوقت اللي أنا بمسح فيه بلاط المستشفى وببات