لما تشتري ودهم بفلوسك.. والآخر يرموا بنتك في الشارع

ألو.. أيوه يا ميس فاطمة؟
إلحقي بنتك يا مدام.. فريدة واقفة قدام باب المدرسة بتترعش والمطر مغرقها!
إزاي؟! بابا وماما راحوا ياخدوها مع ولاد أختي زي كل يوم!
أنا شفتهم بعيني.. ركّبوا ولاد أختك، ولما فريدة جت تركب، والدتك قفلت باب العربية في وشها ومشيوا!
رميت ورق الشغل من إيدي وطلعت أجري على العربية. المطر كان سيول، قلبي كان مقبوض، وبسأل نفسي معقولة؟ يرموا طفلة ٦ سنين في الشارع عشان مفيش مكان؟
لما وصلت، لقيت ميس فاطمة واخداها تحت شمسيتها. بنتي شفايفها زرقا، وشنطتها بتنقط مية. أول ما شافتني، رمت نفسها في حضڼي واڼهارت من العياط.
ماما.. هما سابوني ليه؟
اهدي يا حبيبتي.. إيه اللي حصل؟
قلت لتيتا وسعيلي
حتة صغيرة أركب.. بصتلي ببرود وقالتلي العربية مليانة، خديها مشي لحد البيت.. وقفلت الإزاز ومشيوا، وولاد خالتو ريهام كانوا بيضحكوا عليا من الشباك.
حضنتها ودموعي نزلت

معاها. ركبتها العربية وشغلت الدفاية على أعلى حاجة، وطول الطريق ساكتة، بس جوايا بركان بيغلي. التفرقة دي مش جديدة، طول عمرهم بيفضلوا ريهام أختي عليا وعلى بنتي.. بس توصل إنهم يسيبوها في المطر والبرد ده؟! دي چريمة مش هعديها.
رجعت البيت، دخلتها تاخد دش دافي، وعملتلها سحلب لحد ما هديت ونامت. طلعت بره، وفتحت اللاب توب بتاعي، وجوزي طارق قاعد جنبي.
نور_محمد
هتعملي إيه؟ سألني وهو شايفني بفتح حسابات البنك.
هقفل الحنفية يا طارق.. حنفية الفلوس
اللي مفتوحة بقالها سنين.
أخيرًا فوقتي؟
فُقت على ۏجع بنتي. أنا اللي بدفع قسط شقتهم، وقسط عربية ريهام، وتأمينهم الصحي، وفواتيرهم كلها. ده أنا حتى مصاريف مدارس ولاد ريهام الانترناشونال أنا اللي بدفعها بحجة إن جوزها ظروفه صعبة!
حسبتي بتدفعيلهم كام في السنة؟
فوق ال ٨٠٠ ألف جنيه! بقالي خمس سنين شايلة الليلة كلها.. وفي الآخر، مستخسرين في بنتي قعدة على كرسي في عربية أنا اللي دافعة تمنها!
بضغطة زرار واحدة.. وقفت كل التحويلات البنكية التلقائية. لغيت الكروت اللي معاهم. وقفت دفع أقساط المدارس. لأول مرة أحس إني كنت مغفلة، وإني كنت بشتري ودهم بفلوسي، وهما ولا مقدرين.
تاني يوم الصبح، خدت فريدة نفطر بره
عشان أغيرلها جو. كانت بتاكل وتضحك زي أي طفلة، بس فجأة سكتت وبصتلي في الأرض.
ماما...
نعم يا روح ماما؟
هو جدو وتيتا زعلانين مني عشان أنا مش شاطرة زي ولاد خالتو؟ عشان كده سابوني في الشارع؟
نور_محمد
قلبي اتقبض، مسكت إيدها وبصيت في عينيها.
إنتي أحسن وأشطر بنت في الدنيا. هما اللي أخدوا قرار غلط وتصرفهم كان وحش.. وده مش ذنبك إنتي خالص، فاهمة؟
هزت راسها وحضنتني جامد وقالتلي إنها بتحبني.
مسكت موبايلي، وفتحت جروب العيلة على الواتساب، وبعت رسالة أخيرة
بعد اللي عملتوه مع بنتي إمبارح ورميتوها في الشارع في المطر.. أنا وقفت كل التحويلات، لغيت أقساط العربيات، ومفيش مليم واحد هيتدفع لمدارس ولاد ريهام تاني.
من النهاردة كل واحد
يعتمد على نفسه.. ومش عايزة أي تواصل تاني لا معايا ولا مع بنتي.
وبعدها.. قفلت الموبايل.
الكاتبه_نور_محمد
يا سلام على الدراما لما بتسخن! 
صوت الموبايل ما سكتش من الصبح. بصيت لطارق جوزي اللي كان بيشرب قهوته بهدوء.
ماترديش.. سيبيهم يضربوا أخماس في أسداس. قالها وهو بيقلب الصفحة في الجرنان.
مش قادرة يا طارق، ريهام بعتتلي أكتر من ٥٠ رسالة، وبابا بيتصل من تليفون الأرضي!
عشان البنك كلمهم الصبح وبلغهم بوقف خصم الأقساط.. الحقيقة بتوجع، خليهم يدوقوها.
Nour Mohamed 
فجأة، جرس الباب رن. مش رنة عادية، رنة وراها عاصفة.
قمت فتحت، ولقيت العيلة كلها على الباب بابا، ماما، وريهام أختي. وشوشهم كانت متبدلة، مش دي الوشوش اللي كانت بتضحكلي أول كل شهر.
إنتي اټجننتي؟ إيه اللي هببتيه