عزومه حماتي.. حكايات منــال عـلـي
أكبر المحل، وإنتوا الحمد لله حالتكم مستورة. ساعدونا، إحنا عيلة واحدة، والقرش اللي يخرج من جيب أحمد يدخل في جيبي.
سكوت تام.
العيون كلها اتجهت لأحمد ومروة.
أحمد ما اتكلمش.
وسكوته كان أسوأ حاجة.
سابها لوحدها في المدفع قدام أمه وأخوه.
مروة اتكلمت أخيراً بصوت واطي بس ثابت
فاكر يا كريم من سنة لما ساعدناك ب ألف، وشقا عمرنا طار ومشوفناش منه مليم؟
فجأة الجو اتغير.
الأقنعة وقعت.
كريم بدأ يزعق ويقول إنه مش بياكل حق حد.
والست سعاد بدأت تتكلم عن الجحود وإن مروة هي اللي مقسية قلب ابنها عليهم.
لحد ما مروة حست بحاجة بتتحرر جواها.
وقفت وقالت بهدوء
عشان نخلص.. أنا مش معايا فلوس.
الكل سكت بصدمة.
كملت وهي باصة في عين أحمد
أنا سبت الفلوس في البيت قاصدة. لا معايا فيزا ولا مليم في الشنطة. مفيش غير ظرف الهدية
حطت الظرف الصغير على الترابيزة وتابعت
أنا قررت إني مش هدي مليم تاني. الفلوس دي مابقتش موجودة، والثقة كمان خلصت. اللي عايز يزعل يزعل، بس حق ولادي مش هيتاخد تاني.
الأوضة انفجرت بالصراخ.
اتهامات بالأنانية، وإنها خاربة بيت، وإنها مش محترمة العيلة.
لكن مروة فضلت واقفة.
هادية.
حاسمة.
لأول مرة، مروة ما كانتش المحفظة اللي بيفتحوها وقت اللزوم.
المرة دي كانت صاحبة الكلمة.
والكلمة كانت لأ.
الصوت علي، والاتهامات زادت.
الست سعاد كانت أول واحدة هاجمت
شايف يا أحمد مراتك بتعمل إيه؟ دي بتقطع رزق أخوك! دي عايزة تفرق بينكم!
كريم خبط بإيده على الترابيزة
يعني إحنا بقينا شحاتين عندك؟! ده أنا كنت فاكرك بنت أصول!
مروة ما اهتزتش.
بصت لأحمد مستنياه يتكلم.
ثواني عدت وهو ساكت.
القعدة
يا إما هيكسرها قدامهم.
يا إما يقف جنبها.
أحمد بلع ريقه، وبص لأمه، وبعدين لأخوه، وبعدين لمروة.
وقال أخيراً
مروة عندها حق.
الصمت نزل على الأوضة زي القنبلة.
إيه؟!
قالتها الست سعاد بصدمة.
أما كريم فقال بسخرية
إنت بتقول إيه يا أحمد؟
أحمد خد نفس طويل وقال
إحنا غلطنا لما إدينا الفلوس قبل كده، وغلطنا أكتر لما سكتنا. أنا مش هطلب من مراتي حاجة زي دي تاني.
مروة حست برجليها بتترعش.
مش ضعف...
لكن من الصدمة.
ده نفس أحمد اللي كان كل مرة يقولها استحملي.
دلوقتي بيقول كفاية.
الست سعاد قعدت على الكرسي وهي بتقول
يعني هتسيب أخوك؟ ده دمك!
أحمد رد بهدوء
وأنا كمان عندي بيت وولاد في المستقبل ومراتي اللي شقيانة معايا. مش هضيع ده عشان أرضي حد.
كريم قام وهو متعصب
خلاص! كل واحد يخليه في حاله!
مروة ردت لأول مرة بنبرة حاسمة
العيلة مش فلوس يا كريم.. العيلة احترام.
سكوت تقيل.
الموضوع خلص، بس مش زي كل مرة.
المرة دي مفيش حد كسب فلوس.
بس مروة كسبت نفسها.
في الطريق وهما راجعين، العربية كانت هادية.
لحد ما أحمد قال وهو باصص قدامه
أنا آسف.
مروة بصتله مستغربة.
آسف إني كنت بسيبك لوحدك كل مرة، وآسف إني ماخدتش بالي إنهم بيستغلونا.
ردت بهدوء
المهم إنك خدت بالك دلوقتي.
سكتوا شوية.
بس السكوت المرة دي كان مريح.
أول ما دخلوا الشقة، مروة فتحت الفريزر وطلعت كيس البسلة.
طلعت الظرف، بصتله وابتسمت.
مش عشان الفلوس...
عشان الإحساس اللي رجعلها.
إحساس إنها مش مضطرة تستخبى.
ولا تخاف.
ولا تمشي على أطراف صوابعها.
قفلت الفريزر وقالت لنفسها بصوت واطي
المرة دي... أنا اللي حميت
ومن الليلة دي، مروة ما رجعتش المحفظة بتاعة العيلة تاني...
بقت صاحبة القرار.
